Izaten da bada, bultzada txiki bat, eupaka koxkor bat,
animoa bezalako bat, arnasa. Ez dira horiek ahazten, batik bat estutasun aldian
jasotzen direnean. Bizitzan ahazten ez dena izaten da, esker onekoa, ez baikara
inor uste dugun bezain gaizto. Baina keba! Ez eta hurrik eman ere. Badirudi
nahiago izaten dugula takar, zakar, betilun agertu, zenbait eginkizunetarako
bihozgabe izan behar bagenu bezala edo hala izatera derrigortuak bageunde
bezala. Urteak dira jarrera hori ulertezina egiten zaidala, ezin dudala ulertu
eta ez dudala ulertu nahi. Ahaleginak egin beharko genituzke irribarretsu
izaten saiatzeko, nahi eta ez atsegin izateko, baina, keba, eginkizun eta kontu
serioak bekozkoa behar dute derrigor, irribarrerik ez, ez dezatela pentsa
txolinkeriatan gabiltzanik. Gaizki pentsatzeari eman behar badiote pentsa
dezatela egoskor puska ederrak garela, burugogorrak garela, hori dela gure
bertute nazionala.
Halako oihartzuna
izan du Madriden Etxepare Institutuak, Euskaltzaindia eta Euskal Herriko
Adiskideen Elkartearekin, euskarari egindako omenaldiak. Espainiako Akademiaren
historian lehen aldia zen horrelako ekitaldian gaztelera ez zen hizkuntza bat
erabiltzen zela. Duena baino balio gehiago eman nahi gabe, niri ondo iruditzen
zait. Baina, esan daiteke, euskararen munduetan, oro har, iritzia publiko egin
dutenetan behintzat, ez dela izan oso ondo hartua. Eta ez dakit zergatik,
omenaldia zelako? Madriden zelako? Gazteleraren eremuan zelako? Gobernu usaina
zuelako? Edo ustez euskararen kontra azaltzeko obligazioa duen jendea kontra agertu
ez zelako? Edozein kasutan takar, zakar…
No hay comentarios:
Publicar un comentario