Berezkoa zer izanik ez duen joera
dugu euskaldunok. Beste guztien ezberdinak garela pentsatzekoa. Hala gara eta
arrazoi dugu. Baina ez gara hori gertatzen zaien bakarrak munduan; horretan
beste mundutar guztien berdinak gara. Arrazoia galtzen dugu, halakotan mundu
guztiak galtzen duen bezala, ezberdinak garela pentsatu eta uste izateko joera
hori derrigorrez ezartzen dugunean. Baina ezberdinak gara bai eta geure artean
ere, alegia ez gaudela bi euskaldun berdin, eta ez dakit horretaz konturatzen
garen. Andaluz baten aurrean bi euskaldun jarriz gero hiru pertsona ezberdin
ikusi behar genituzke, ez bi giza multzo ezberdin. Elkarren arteko, euskaldunon
arteko, ezberdintasunak aitortzen eta identifikatzen ikasten lan handia daukagu.
Hauteskunde emaitzen harira
irakurtzen ari garen iritziek jartzen dute zer esanik honetaz. Espainiako beste
lurraldeetan ez bezala, hemen eta Katalunian Podemos izan da lehen indarra.
Batzuei proposamen nazionalisten gainbeheraz hitz egiteko balio die eta
nazionalistei euskaldunok gainerako espainiarrekiko dugun ezberdintasunaz, ez
espaniartasuna barne, hitz egiteko. Udazkenak ekarriko omen ditu hemen hauetan
gauzak bere lekura. Nik neuk inolako lekuz kanpokotasunik ez du ikusten.
Hauteskunde emaitza hauek
kritikatzea oso da zilegi; neuk ere ez ditut gogoko. Emaitzak kritikatzea da bat,
garaipena aintzat ez hartzea bestea, eta okerrena, onartezina, podemostarrak
kritikatzerakoan erabiltzen ari diren gezur eta ukazioak dira. Ez direla hemen
jaioak dioenik, euskalduntasuna lotsagabeki ukatu dienik ezagutzen dut. Kritika
politikoa egiteko espainola dela esatea argudioa xenofoboa da nahiz eta
tradizio demokratiko handiko alderdietatik egin.
No hay comentarios:
Publicar un comentario