DVk zioen Foru
Aldundiak 1,88 milioi bideratuko dituela euskararen erabilera lagundu eta
bultzatzera. Bitxia da, harrigarria, hedabide bakoitzak eman dion oihartzuna.
Arriskatuko nintzateke, nire ustez beti ere, zergatik izan daitekeen esatera,
baina irakurleari uzten diot galdera, erantzun posibleen aukeran saiatzeko
eskatuz.
Euskara
sustatzeko proiektu eta jarduerak; lantokietan prestakuntza aldiak euskaraz
egitea; euskararen erabilera soziala normalizatzeko tokiko planak; itzulpen
praktikak egiteko bekak; toki telebistak; informazio eta komunikazio teknologia
bidezko edukiak hedatzeko proiektuak eta euskaraz emititzen duten irratiak
izango dira laguntzagai.
Denetarako iritzirik faltako ez den jakinean, gutxiegi dela,
gehiegi dela, euskaraz egunon esateagatik kobratu egin behar ote dugun,
euskaraz hitz bat esaten uzteagatik ordaindu egin behar ote dugun... denak
entzungo dira. Poztekoa da, ordea, gure erakundeak euskara bultzatu eta diruz
laguntzeko borondatea eta aukera izatea. Pozteko behar lukeen bezala diru
laguntza guztiekiko ikuspegi kritiko minimo bat duen gizartea ere izatea.
Kritikoa idatzi dudanean kontrakoa idatzi behar nuela dioena ezgaitua
deklaratzen dut asunto honetan, eta beste askotan, iritzi zuhur eta baliozko
bat emateko.
Deialdia dela eta partaidetza prozesua iragarri du
Aldundiak. Aukera baliatu behar luke gizarte gipuzkoarrak post-it bana, edo
hamarna, eskuetan duen eta, erremediorik gabe, diru gehiago behar duela dioen
herritar multzo baten bileraz gaindiko zerbait ezberdina osatzeko. Beti eta
guztia ez ote den ondo gastatu galdera entzundakoan haserretuko ez den eragileak
identifikatzeko bederen.
No hay comentarios:
Publicar un comentario